做生意，唔一定要做第一，但一定要做唯一

GoodPop 賣雪條做到年收近5億港元，唔係因為佢賣嘅產品最新，而係佢搵到一個夠細、夠專、夠鮮明嘅市場，再包裝成一個有故事、有風格、有感覺嘅品牌。

成功嘅關鍵，唔係賣最多人買嘅產品，而係做出一個「獨一無二」嘅定位。GoodPop 通過健康、有機嘅故事打造品牌價值，並利用鮮明嘅IP形象吸引到真正關心健康嘅消費者。佢唔係靠大規模推廣，而係將品牌理念與客戶建立情感連結，令消費者一睇就知係佢。

我成日同學生講：真正嘅成功源自於「講好你嘅故事」同「建立鮮明嘅IP」。每一個成功既品牌都係用獨特方式將自己嘅理念同消費者分享，唔單止做一個商品，而係做一個「生活方式」。

當你賣嘅唔再只係雪條，而係一種健康、天然、有態度嘅選擇，咁你嘅產品先會有靈魂，先會吸引一班有共鳴嘅忠實客人。

品牌唔係logo，係人哋對你嘅感覺。越清晰，就越容易記得；越有溫度，就越有人願意支持。

咁你諗諗：當人哋講起你個品牌，係咪即刻諗起某樣產品、某句說話，或者一種感覺？

如果未有，咁就要開始打造，唔好再等。

最新文章