為何八號風球要做直播？

我記得我啱啱打工（做廣告設計師）嘅時候，因為要趕 Pitching，8號風球都要返工！無意中聽到商台CEO俞琤講過嘅一句訓話：「做我哋媒體嘅，就係要喺打風嘅時候娛樂、服務香港人！」呢句說話影響我好深！ 30年後嘅今日我徹底明白呢個道理。電商其實同媒體都好似，最注重係流量！喺8號風球嘅時候所有人冇娛樂、冇工作，唯一注意力就會擺喺社交媒體打發時間，而人流會比平時多兩倍，咁生意額就當然自然會多兩倍！