Ken Wat

今次去首爾龍山嘅 Duty Free Mall，我發現咗一個好有趣嘅現象。 有啲產品擺喺當眼位置，仲特別用簡體字介紹功能；有啲產品就用唔同語言，吸引來自唔同地方嘅顧客。 點解？因為**產品擺喺邊、用咩語言介紹，都可能反映背後嘅市場策略。** 我仲會留意顧客講咩語言、邊啲產品多人睇，以及其他店舖點樣展示產品，再用 Google Trends 同 AI 做進一步研究。 今次做陸心媛服裝直播，我亦特別安排咗侄女一齊出鏡，希望吸引唔同年齡層嘅觀眾。 做網店，唔係淨係識搵貨，而係要識得觀察市場、分析需求，再決定點樣介紹同推廣產品。 想學識點樣利用 AI＋市場分析＋產品策略，發掘更多網店機會？ **做網店，唔只係賣產品，而係建立品牌資產。

為咗迎接九運嘅到來，身心靈、玄學產品需求大增。 但好多網店店主、直播主其實唔擅長講述身心靈及玄學產品，咁點算呢？ 其實雙贏嘅做法，就係邀請品牌商帶埋玄學嘉賓一齊做直播，然後比三個觀眾可以比佢哋免費諮詢。 由於喺Facebook直播時候見唔到觀眾，觀眾多數都好樂意比佢哋嘅出生年月日，觀眾可以得到免費諮詢之餘又增加engagement ，而同一時間喺直播比玄學嘉賓可以做免費宣傳自己做收費諮詢，大家雙贏!

直播可以帶嚟即時銷售，但問題係： 直播一停，銷售往往都會跟住停。 所以我一直比較重視 短視頻＋自動化。 以我自己嘅網店為例，大部分產品都係透過短視頻、廣告同自動化系統，持續接單；直播就用嚟推一啲適合即時互動嘅產品。 我成日同學生講： 做生意除咗賺錢，其實都係想換取更多自由時間。 如果每日都要靠自己直播幾個鐘先有收入，始終都係用時間換收入。 所以我會建議先用短視頻建立內容同銷售系統，再配合直播去放大個人IP。 當觀眾慢慢記得你係邊個，你賣嘅就唔再只係一件產品，而係你建立出嚟嘅品牌價值。 做網店，唔只係賣貨，係建立資產。