🎥 做網店，點解我唔建議只靠直播？
直播可以帶嚟即時銷售，但問題係：
直播一停，銷售往往都會跟住停。
所以我一直比較重視 短視頻＋自動化。
以我自己嘅網店為例，大部分產品都係透過短視頻、廣告同自動化系統，持續接單；直播就用嚟推一啲適合即時互動嘅產品。
我成日同學生講：
做生意除咗賺錢，其實都係想換取更多自由時間。
如果每日都要靠自己直播幾個鐘先有收入，始終都係用時間換收入。
所以我會建議先用短視頻建立內容同銷售系統，再配合直播去放大個人IP。
當觀眾慢慢記得你係邊個，你賣嘅就唔再只係一件產品，而係你建立出嚟嘅品牌價值。
做網店，唔只係賣貨，係建立資產。
留言