今次嚟日本，除咗參加禮品展，我仲同太太做咗場極之成功嘅直播！ 我哋賣嘅係有「日本銘石協會」權威認證嘅北投石同太赫茲能量石。今次直播嘅主要觀眾，全部係非常有消費力嘅銀髮族！ 好多人做網店以為只得一套方法。但其實唔同產品，一定要用唔同嘅銷售策略！銀髮族有時間睇直播，更重視信任感，所以用權威認證加上直播互動，轉化率高得驚人！ 做網店唔可以一套招數打天下。掌握啱嘅選品同銷售技巧，配合 AI 自動化系統，你都可以為自己建立一個穩定獲利嘅網店資產！

做海外網店，亞洲人一定要跟西方人嘅品味？🌍 未必。 去到外國，你會發現有啲產品喺實體店好吸引，但搬到網上未必適合。 因為網上購物少咗一樣嘢—— 親身感受產品嘅質感、尺寸同配搭。 所以做網店選品，我更加重視另一樣嘢： 產品本身有冇能力引起情緒同需求。 例如： 💡 解決生活上嘅不便 💡 帶來安全感 💡 解決某個實際需要 💡 又或者令人覺得開心、有趣 呢啲產品即使面對唔同地區、唔同文化嘅消費者，都有機會找到自己嘅市場。 所以做海外網店，重點唔係「外國人鍾意咩」咁簡單。 而係你識唔識揀到一件： 有人需要、有人願意買，而且有機會建立品牌價值嘅產品。 因為單純賣產品，好容易陷入價格競爭。 但當你可以將產品慢慢建立成一個品牌，情況就完全唔同。🚀

點解我去到每一個國家，都一定會行入當地嘅店？ 🌏 因為好多時，一個真正有品牌價值嘅產品，答案就藏喺貨架入面。 今次去澳洲，我又發現一個好值得網店老闆參考嘅現象。 有啲產品可能多年來款式都冇大變，但旅客依然願意買。 點解？ 唔一定係因為佢功能有幾特別，而係佢同當地文化、回憶同身份產生咗連結。 例如一個澳洲樹熊產品，客人買嘅可能唔只係件產品，而係： 🇦🇺 「我去過澳洲」嘅回憶。 呢個就係我成日講嘅——產品價值，唔一定等於產品功能。 做網店，選品唔應該只係睇「咩產品多人賣」。 更加重要係思考： 👉 呢件產品有冇長期需求？ 👉 客人點解會願意買？ 👉 有冇機會建立獨特定位？ 👉 點樣由一件產品，慢慢建立成一個品牌？

做品牌，SKU越多就越成功？其實未必。 好多老闆一開始做品牌，就不停諗： 「我要多啲產品先得。」 「 我要有幾十、幾百個SKU先似一個品牌。」 「我要有大倉庫、大Showroom先做得大。」 但其實真正嘅品牌，唔係你有幾多產品。 而係—— 當人哋有某一個需要嘅時候，第一時間會唔會諗起你。 🎯 例如我自己嘅 Kirakuu，核心就係「旅行收納」。 唔需要幾百款產品， 而係圍繞住同一個客戶痛點，不斷做好產品。 而家做品牌，玩法已經唔同。 你未必要： ❌ 幾萬呎Showroom ❌ 幾百個SKU ❌ 大量囤貨 ❌ 高昂代理費 反而可以利用： 🤖 AI 📱 社交媒體 🤝 KOL合作 📦 網上銷售 用更低成本，慢慢建立屬於自己嘅品牌。 我自己呢幾年都一直用呢套模式做生意，產品更加主要銷往歐洲、美國市場。

【做電商仲係賣緊 General 保健品？睇台灣品牌 GreenGold 點樣用「細分市場」打出一片天！】 近年做網店同直播，如果仲係講緊好大泛嘅功能，其實好難喺市場突圍。 最近留意到台灣超強保健品牌 GreenGold 綠金，佢哋嘅產品定位策略真係好值得香港零售同電商品牌學習： 打破傳統框架，精準切入女性保養賽道 舊有思維：以前大眾覺得薑黃只係老人家或博士先會研究嘅傳統保健品。 直播 2.0 趨勢：GreenGold 將市場再細分！不再主打全人群，而是專為注重身材管理與日常保養嘅女性，提供健康維持嘅新選擇，更搵年輕靚女直播主帶貨，打破老土印象！ 香港品牌點樣急起直追？ 以前大家總覺得台灣、馬來西亞嘅模式未必適合香港，但其實佢哋喺「品牌故事」同「使用場景」上已經行得非常前。香港品牌想贏，就不能再靠舊一套： 講好品牌故事：做好精準市場細分，搵啱屬於你自己嘅賽道。 結合 AI 科技與直播：將直播精華結合 AI 技術二次創作，極速提升品牌曝光率同轉換率！ 盲目努力不如選對賽道！只要願意轉型同嘗試新科技，香港品牌一樣可以突破重天！ 香港品牌/老闆

點解直播賣女裝咁多人睇，但男裝好似冇市場？🤔 其實，未必。 好多人都話男人唔鍾意睇直播，但我反而覺得，男人唔係唔買，而係買嘢方式唔同。 例如買個尿袋，男人可能一早做晒 Research，睇晒評價，覺得啱就直接付款。🔋 但如果係男裝、護膚品、香水，甚至男士化妝品呢？ 其實愈來愈多男士都會睇 KOL 分享，因為佢哋都想知道： 👔 邊款衫適合自己？ 🧴 邊款產品值得買？ 💡 點樣配搭先好睇？ 網店同直播已經唔再係女性市場嘅專利。 隨住消費習慣改變，男士市場、寵物市場，以至更多利基市場，都蘊藏住大量機會。📈 問題唔係「有冇市場」， 而係你識唔識搵到屬於自己嘅市場。

香港女主持、演員及模特兒 阮嘉敏 Mandy 都坦白承認，自己一直都係一個好傳統嘅消費者。 🛍️「我要親身去店舖。」🤲「我要摸到件產品。」🙅‍♀️「好少會喺網上買。」 但正正因為咁，佢更加明白… 📱 消費模式，已經徹底改變。 疫情之後，唔單止香港，而係全世界嘅人，都慢慢習慣咗網上購物。 如果你做生意，仲停留喺「等客上門」，你可能已經錯過咗大量潛在客戶。 Mandy 分享，原來做好網上營銷，唔係淨係識落 Facebook、IG 廣告咁簡單。 真正重要嘅係：✅ 點樣搵到真正對你產品有興趣嘅人✅ 點樣用有限預算，做到最大回報✅ 點樣吸引新客，再慢慢建立品牌 💡而家創業，比以前容易得多。 無論你係中小企老闆、打工仔、家庭主婦，甚至係剛畢業嘅大學生… 其實都可以用一個相對低成本嘅方式，開始屬於自己嘅網上生意。 #網店創業 #Facebook廣告 #IG營銷 #品牌經營 #創業 #網上創業 #電商 #香港創業 #被動收入 #KenWat

最近同陳君宜（Qinnie）傾開做網上生意。 其實佢一直都有自己嘅網站、直播平台，同埋經營自己嘅品牌。 但就算係咁，佢都同好多創業者一樣遇到一個問題： 👉 有網站，但點樣令更多人知道？ 👉 有產品，但點樣吸引啱嘅客戶？ 👉 有內容，但點樣變成實際生意？ 上完課之後，Qinnie 同我講： 「原來有好多細微嘅地方係我一直忽略咗，而呢啲細節，往往係最重要。」 我聽完其實好有感受。 因為做網店最難嘅，從來唔係開一個網站。 而係建立一套可以持續吸引客戶、產生訂單嘅系統。 好多時候差嘅唔係努力，而係方向。 #創業 #創業家 #創業故事 #初創企業 #創新 #創業成功 #商業思維 #個人成長 #思維改變 #財務自由 #被動收入 #第二收入 #網店創業 #網店教練 #kenwat網店教練 #低成本創業 #網上營銷 #經營網店 #網店營運 #抓緊機會 #kenwat #直播帶貨 #開網店 #網店課程 #增加收入

最近喺台灣同馬來西亞做直播，我發現一個好有趣嘅現象。🤔 好多人都想成功，但同時又會問： 👉 可唔可以唔辭工？ 👉 可唔可以唔露面？ 👉 可唔可以唔落廣告？ 👉 可唔可以零風險？ 其實今日比起十年前，創業門檻已經低咗好多。 唔想辭工？可以兼職經營網店。💻 唔想露面？AI 已經幫你做到好多以前做唔到嘅事。🤖 但如果想有結果，又完全唔願意付出、不願意承擔任何風險，咁就會陷入一個我成日講嘅問題： 想改變，但又唔想改變。 就好似想減肥，但唔肯做運動；想有六舊腹肌，但唔肯控制飲食。🏃‍♂️ 其實無論創業、健身、減肥，甚至我今年50歲去挑戰 Hyrox，都係同一個道理。 成長一定有代價，成功一定要離開舒適圈。✨ 最阻礙你前進嘅，往往唔係市場、唔係AI、唔係資金。 而係你內心嗰把聲，一直同自己講： 「我想成功，但可唔可以唔使付出？」 當你放低呢個矛盾，成長先真正開始。🚀 #創業思維 #AI網店 #個人IP #直播帶貨 #第二收入 #香港創業 #Hyrox #成長思維 #網店經營

大家做生意最常見一個錯誤： 👉 以為「搵人幫手落廣告」就等於解決問題 著名藝人兼品牌創辦人 陸詩韻 都分享過佢嘅真實經歷： 一開始將廣告全權交俾外判公司 頭幾個月好似好順利 有報告、有跟進、有成績 但之後問題就開始出現： ❌ 成效下跌 ❌ 唔知問題出喺邊 ❌ 廣告費照燒，但無法判斷對錯 最後佢最大體會係： 👉 做老闆唔一定要自己落廣告 👉 但一定要識睇廣告發生緊咩事 因為當你唔識，你只會被動跟住人走。 如果你而家都係： ✔ 有做生意 / 網店 ✔ 有落廣告但唔確定效果 ✔ 或者怕被人「帶住做」 你需要嘅唔係更多工具，而係判斷能力。

最近我喺馬來西亞做咗一場直播。 最令我深刻唔係條數有幾大，而係我再次證明咗一件事： 爆品，從來唔係靠運氣。 呢5個月，我同團隊做咗一個真人實驗。 由1月開始，我親身試用產品、記錄身體變化、拍攝內容、做直播分享。 冇明星代言。冇大製作廣告。冇誇張效果。 有嘅，只係真實。 結果由2月開始，銷量一路上升。 到最近再返去馬來西亞，倉庫已經由原本鬆動，變成堆滿紙箱，甚至爆到門口位置。 很多人以為： 直播成功靠口才。 其實唔係。 很多人以為： 網店成功靠運氣。 其實都唔係。 真正嘅原因係： 你有冇揀啱產品、有冇建立信任、有冇用啱方法將產品變成爆品。

去日本代購直播，係咪想像中咁爽？ 啱啱喺日本收工，同大家分享下實戰「中伏」位，想入行或者做緊嘅同門要留意： 1️⃣ 日本直播文化仲係好保守 🇯🇵 日本人對直播接受度仲係低，好多店舖怕干擾實體客，會要求你喺「最入、最遠」嘅角落直播。 遠到連 Wi-Fi 都收唔到，仲要驚動到員工換衫（佢哋會覺得好怪）。所以，準備日本直播，高性能 Wi-Fi 蛋係生存基本，仲要有心理準備要「匿埋」做。 2️⃣ 時間控制係硬傷 ⏰ 日本舖頭好準時收工。香港時間 8:30pm 開播，日本已經 9:30pm。10:30pm 一定要完，11:30pm 就要清場走人。你想「追數」翻夜工？人哋舖頭都唔會畀你留。 策略： 一定要同 Fans 講提早開播，或者靠 「重播落單」 補數，否則你嘅直播時間根本唔夠用。 3️⃣ 優勢：物價同庫存管理 📈 講完難處，講下點解仲要去？ 抗通脹神話： 以前 8 算 9 算，而家 5 算。最驚訝係佢哋件衫 10 年前賣 1900 円，而家依然係 1900 円！香港通脹幾倍，日本簡直係代購天堂。 庫存準確度高： 日本人做嘢夠「均真」。開播前會清清

今次去到新會睇陳皮，我有一個幾大嘅體會—— 同一樣產品，其實可以賣俾3種完全唔同嘅人。 👉 自用：最緊要實用、價錢合理 👉 送禮：重面子、有記憶點，貴少少都OK 👉 收藏：講年份、講價值，甚至幾十年後先開 當你將「用家 mindset」拆清楚， 再配合年份（5年、10年、20年…）， 其實一樣產品，已經可以自然延伸出一堆 SKU。 直播唔係靠一件產品撐住， 而係靠你點樣「砌場」。 好多做單一產品嘅老闆都問： 點樣可以令客人留喺度睇幾個鐘？ 答案唔係講多啲， 而係—— 👉 有結構 👉 有層次 👉 有選擇 今次仲見到供應商特登配合我哋健康主題， 加咗「硒元素」版本，令成個產品線更加完整。 你會發現， 當產品 × 用家 × 故事 × 健康元素 組合埋一齊， 直播自然就有內容、有深度、有轉化。 做生意，其實唔係賣產品咁簡單， 係你有冇能力—— 將一樣嘢，變成一個完整嘅銷售系統。

好簡單一個問題： 你會唔會買俾小朋友一個背包，然後一口氣掃晒10幾款？ 唔會。 因為當「使用者係小朋友」， 家長就會變得好理性—— 揀一個啱用、夠功能，就夠。 但如果係女性買自己用嘅袋？ 👉 款多 👉 搭配靚 👉 一次過買齊最抵 呢啲就係情緒帶動消費。 所以問題從來唔係： 「點解直播賣唔郁？」 而係—— 你賣嘅產品，適唔適合用直播去賣。 ✔️ 情緒型產品（款式多、可配搭）→ 適合直播 ✔️ 功能型產品（理性選擇）→ 適合短片／內容教育 仲有一樣，好多人忽略： 直播唔係越密越好。 冇「稀有性」、冇「期待感」， 觀眾只會當你係日常消費，唔會衝動落單。 做生意，唔只係靠感覺， 數據 + 人性，先係關鍵。 當你搵到： 👉 最好賣嘅產品（數據） 👉 最容易觸發購買嘅方式（人性） 你先會開始明白， 點解有啲人直播，一晚可以清貨。 如果你都有做直播／賣產品， 不妨諗一諗： 你而家用緊嘅方法，係「啱產品」，定只係「跟風」？

好多想入行做直播或者開網店嘅同學，心入面總有一道檻： 「唉，做銷售好似要擺低自尊咁...」 「成日驚俾人拒絕，好似求人買嘢咁...」 其實，你真係諗多咗啦！🙅‍♂️ 今日喺韓國同「韓國大佬」直播主傾開，我深有體會。好多所謂嘅「專業人士」好似醫生、營養師，講嘢太專業、太悶，反而入唔到屋。點解？因為直播間其實就係一個「夜市」，大家係嚟搵娛樂、搵解決方案，唔係嚟聽講座㗎！🛒 💡 點解話銷售係「幫人」？ 就攞去韓國買護膚品、保健品為例： 滿街韓文睇唔明？（你就係幫佢翻譯嗰個人 🗣️） 唔知邊款配方啱香港人體質？（你就係幫佢揀貨嗰個人 🧐） 唔知邊樣先係好嘢？（你就係用 30 年經驗幫佢守門口嗰個人 🛡️） 你唔係求佢買，你係用你嘅專業同眼光，幫佢慳時間、慳冤枉錢！ 「做銷售人員，要抱住幫人嘅心態，而唔係求人嘅心態。」 如果你仲係覺得做直播/網店要「擺低自尊」，咁你嘅心態一定要變！當你真心想解決客大眾嘅痛點，你唔再係一個 Sales，而係一個值得信賴嘅顧問。🤝

今日去咗台灣一間做「靜電防護工程」嘅公司，主題係——接地氣（Grounding）。 原來我哋人體長期著鞋、少接觸土地，加上都市生活少運動，好多時連自己身體嘅「靜電狀態」都忽略咗。冬天成日俾靜電電到，其實都係一種提醒。 今次直播最大挑戰唔係產品，而係—— 好多人根本未聽過「接地氣」係咩。 就好似兩三前做石墨烯一樣，市場教育比銷售更重要。 我亦再次感受到一件事： 拍短片同做直播，真係兩個世界。 有啲人短片好叻，但直播未必撐得起； 有啲直播主好勁，但未必識做內容。 要兩邊兼顧，其實係另一種專業。 做品牌直播，唔只係識產品咁簡單， 仲要有節奏、互動、娛樂感，同埋—— 背後大量數據分析同準備。 呢個項目我早喺三個月前已經開始做 research， 因為一場成功直播，從來都唔係即興發揮， 而係品牌理解 × 主持功力 × AI大數據配合。 高手真係在民間， 今場竟然都有觀眾識得講 Grounding 嘅專有名詞，我都幾驚喜。 做直播、做品牌、做銷售， 永遠都係一邊學、一邊進化。 下次再喺台灣有咩品牌銷售或者直播心得，再同大家分享。

今日返到主場公司做直播，現場真係好熱鬧！🔥 唔知大家有無留意到，我哋今次做咗一個大膽嘅嘗試，就係將「線下檢測」直接帶入「線上直播」！ 好多人問：「Ken，喺網上賣幾千蚊一部機，點樣可以令客即刻落單？」🤔 其實秘訣就係呢三招： 1️⃣ 即時數據，眼見為實 👀 盧博士今次特登帶咗三部檢測儀器過嚟，現場幫觀眾做檢查。最犀利嘅係，只需 10 分鐘療程，就可以即時見到 Before & After 嘅變化 ！無論係血壓定係蛋白質酸指標，有晒數據睇，三千幾蚊買個健康，觀眾自然覺得值 ！ 2️⃣ 體感分享，最真實嘅口碑 💬 我哋事先安排咗禮品，邀請觀眾親身過嚟試做 。當觀眾喺鏡頭面前分享最真實嘅「體感」同效果，呢種熱情係隔住個 mon 都感受到嘅 。今日仲有觀眾帶埋歲幾大嘅 BB 女過嚟探盧博士，呢種品牌黏著度真係無得頂 ！ 3️⃣ 神級 Closing：重新定義「投資健康」 💰 盧博士最後嗰段說話真係講得好好： 對追求生活質素嘅人： 原價兩三萬嘅技術，而家三千幾蚊就買到返屋企，簡直係超值 ！ 對精打細算嘅人： 你每個月可能花千幾二千蚊買 Suppl

20年前仲係設計師嘅我，都曾經比商業培訓師話我做廣告公司嘅商業模式有三大缺陷： 1/ 好難有回頭客 2/ 要不斷接客，手停口停 3/ 市場太多廣告公司，客人會記得你 20年後我轉做網店創業導師，見到網店行家生意差咗，我都係叫佢哋留意呢三件事： 1/ 如何提升回頭客 2/ 為何要有網店系統，就算唔直播客你都唔會手停口停 3/ 為何要建立個人品牌IP，客人才會記得你 #創業 #創業家 #創業故事 #初創企業 #創新 #創業成功 #商業思維 #個人成長 #思維改變 #財務自由 #被動收入 #第二收入 #網店創業 #網店教練 #kenwat網店教練 #低成本創業 #網上營銷 #經營網店 #網店營運 #抓緊機會 #kenwat #直播帶貨 #開網店 #網店課程 #增加收入

【做直播＝傾力演出？其實唔只係「講到盡」咁簡單】 好多人以為做直播，最重要係氣氛、熱血、講到好吸引。但真正令觀眾信你、肯落單嘅，往往係—— 👉 之前同之後嘅對比 👉 真實睇得到嘅變化（唔係靠吹） 👉 畫面呈現出嚟嘅效果，而唔係口講 直播入面，我成日話「即時有效果」嘅產品其實最難賣，因為觀眾要嘅唔係承諾，而係證據。當你肯畀人睇、畀人比較、畀人自己判斷，說服力自然就會強。 如果你都有做直播／準備賣產品，呢條片可能會俾你一個新角度，點樣用「真實呈現」去代替「用力推銷」。 #直播銷售 #網店經營 #直播技巧 #做生意心法 #個人品牌 #內容營銷

最近，我收到了一份對我個人及職業生涯極具意義的肯定。 非常榮幸獲選為《經濟日報》 「2025 年十大商業培訓師」 。當我看見自己的名字出現在財經版面時，內心除了意外，更多的是一份感觸。這份榮譽不只是一個頭銜，它更像是對我這幾年從傳統生意轉型到 AI 網店領域的一份成績單。 轉型之路：從傳統困局中尋找生機 報導中提到香港市場正從傳統模式轉型至運用科技的數碼實戰應用，我曾經歷過傳統生意的輝煌，但也親身體會過市場波動帶來的巨大衝擊。那段時期讓我明白到一個道理： 在快速變化的時代，唯有不斷進步和掌握新技術，才能擁有真正的穩定。 因此，我決定全面轉型，投入到 AI 自動化網店 的研究與實踐。從零開始學習如何利用 AI 提高效率、降低風險，到後來成功建立一套可複製的系統。這段路走得並不容易，但也正因為我曾身處困局，我更能感同身受創業者、上班族以及主婦們對於「第二收入」與「職業保障」的渴望。 獲獎後的使命感：教學不只是分享，更是承諾 這個獎項帶給我最大的價值並不是名聲，而是一份 沉甸甸的使命感 。 我發現，在這個 AI 技術爆發的年代，很多人不是不想改變，而