📢【穩定幣 、網店新機會】💰🛍

香港有機會推出自己嘅穩定幣，呢個唔只係金融新聞，對我哋做網店嘅人，係一個未來利潤提升嘅大機會！

穩定幣係咩？簡單嚟講，就係一種與法定貨幣掛鈎（例如港元或美元）嘅加密貨幣，價值穩定，可以即時用嚟收款、付款，而唔需要經銀行或信用卡平台。

如果未來香港真係推出港元穩定幣，網店可以點受惠？

第一，每單交易成本會大幅下降。信用卡公司同支付平台通常會收 2–3% 手續費，而穩定幣支付幾乎可以將呢筆成本減至 0.1–0.3%。你諗下，如果一個月有幾百張單，慳到嘅錢就等於利潤。

第二，收款速度快咗，唔再等日結或週結，現金流即時改善。對中小商戶嚟講，呢個係大優勢。

第三，跨境交易會變得簡單易做。以前做外地客，成日要面對匯率、轉數唔到、收款被凍結等等問題，而穩定幣可以一個錢包處理全球付款，唔洗換錢、唔洗驚 Delay。

即係話，成本低咗，利潤高咗，現金流快咗！

做生意最緊要嘅三樣嘢，穩定幣一次過幫你解決。

雖然而家香港穩定幣未正式落地，但呢個趨勢已經開始發酵，作為網店經營者，我哋要做嘅唔係等，而係主動了解、關注同思考未來可以點樣應用。

網購世界變得好快，AI、Web3、新支付方式都陸續登場。如果你仲抱住舊思維，生意好容易會被時代淘汰；但如果你肯接受轉變，商機其實係無處不在。

時代唔會等人，肯跟住轉變，就會見到新出路。